Friday, February 9, 2007

WARISAN

Bang Jali sedang menghadapi sakit keras, sudah berobat kesana kemari kagak sembuh juga. Suatu hari, ketika sakitnya makin parah, Bang Jali minta istrinya Rodiah untuk ngumpulin seluruh anak-anaknya buat ngedengerin wasiat terakhirnya. Karena patuh kepada suami dan babenya akhirnya istrin dan seluruh anaknya dapat dikumpulkan. Mereka semua ngumpul di sisi tempat tidur dengan kesedihan yang mendalam melihat kondisi orang tuanya tersebut. "Anak-anaku semuanye sebelum Babe pergi... Babe pengen lihat kalian semua akur..." kata Bang Jali di sela sakitnya. "Babe nggak mau kalian semuanye pade ribut. Apalgi kedengeran sampe berebut warisan..." "Makanye mumpung napas Babe masih ada, Babe pengen elu semuanye dengerin nasehat Babe..." "Babe pengen semuanye dapet bagian yang adil. Biar kagak ada yang gontok-gontokan" "Nah.. Babe ada beberape warisan nyang elu musti tau ..." "Pertame-tame.. elu musti tau kalo babe punya utang kongsi dua juta sama Haji Kodir. Nah ... nyang entu musti elu pade kelimain duluan, biar amal Babe kagak ngegantung kayak layangan ..." Nyak Rodiah dan anak-anak Bang Jali yang berjumlah tujuh orang kontan sesenggukan mendengar wasiat terakhir dari Babenya. "Pertame elu semuanye mesti tau... rumeh kite ini jangan dibagi dulu. Biar Nyak lu bisa ninggalin sampe nyusul Babe nanti...." "Kedue, Sumineh karena elu paling tue.. Babe pengen elu nyang ngerawat Nyak lu. Buat elu Babe kasih tanah nyang ade di belakang rumeh 500 meter, nah sisenye 900 meter buat adek luh nyang laki Sanip..." Istri dan anak-anak Bang Jali dengan takzim menyimak wasiat dari Babenya yang napasnya udah senen kemis tersebut. "Nah, buat Sainah dan Saimun elu berdua babe kasih kebon duren yang di Parung...." "Buat Samian elu babe kasih delman... ade lime belas tuh delman buat elu semuanye... ame tanah di Citayem 400 meter...." "Samain babe kasih empang yang di Cibinong .... " Karena Bang Jali memang juragan delman dan tanahnya lebar jadi proses pembagiannya dicatat dan disaksikan sama RT dan RW. "Sanian elu yang paling bontot Babe kasih oplet buat narik ... same kebon di Cilangkap...." kata Bang Jali sambil megap-megap.... "Nahhh .... kkkalo.. ruko yang berjejer ... di pinggir jalan elu jangan jual ye ........ " kata Bang Jali. Suaranya semakin berat tanda sudah mau meninggal. Istri dan anak-anaknya pade kebingungan mendengar wasiat terakhirnya ini. Semuanya pada celingukan, bingung. Akhirnya Sanip memberikan diri bertanya sama Babenya ... "Emangnye kenape Beh... Kok enggak boleh dijual ...." "Hhhh...... hhhhh... iittuu.... punyyaaaa ooraanngg..... goblookkk...." "Alllahhhhu Akkbaarrr ......" Inna lillahi wa inna ilaihi rojiunnnn.....

No comments:

National Geographic POD