Pagi itu seperti biasanya BM (inisial Bang Mamat) sudah rapi jali. Minyak kelonyoh pemberian dari ustadz Ali ketika maulid kemarin semerbak tercium wangi. Jaga langganan katanya, saat ditanyakan teman-temannya sesama ojekkers di perapatan. "Ente kudu belajar marketing dong !" katanya, memberitahu teman2 tongkrongannya.
"Bagaimane 'klayen' mau nyamperin ente kalo badan bau terasi begitu!" lanjutnya. "Nah... Apaan tuh 'klayen' Bang?" kata Udin, seorang ojekkers yang paling muda. Sementara teman-teman sesama ojekkers yang lain cuma manggut-manggut kagum. "Yaah... Ente Diiin, 'klayen' aja masih kagak ngarti. Ente masih ijo, masih bau kencur! Pokoknye Ente dengerin aja Abang lu ngomong ! Ente ikutin !!!" katanya sambil ngucek-ngucek rambutnya Udin. "Iye sih Bang, tapi kate Ustadz Ali waktu pengajian kemaren, kite kan kagak boleh taklid " jawab Udin. "Diin...Diin... Itu mah kejauhan. Pake segala taklid ente ajak-ajak. Ini masalah marketing, masalah ojek. Kagak ikutan tuh taklid " kata Bang Mamat.
"Iye Bang. Aye ikutin dah 'klayen'nye Abang!" sahut Udin girang.
"Lahhh!!! Kagak bisa begitu !!!" Bang Mamat sewot.
"Ente-ente pade kagak boleh ngikutin 'klayen' Ane !" lanjutnya tambah sewot.
"Mat, ente gimana sih? Tadi ente bilang, kite orang disuruh biar wangi biar 'klayen' pada dateng. Pas Udin ngomong mau ngikutin 'klayen' ente. Ente kagak kasih! Gimana urusannye sih?!" celetuk Rojali kebingungan.
"Jalihh... Jalihh... Kayaknye ente-ente pade, kudu kursus dulu nih sama Bang Reynald Kasali" jelas Bang Mamat yang berasa tambah paling pinter.
Sementara ojekkers yang lain semangkin tambah nyangsrak dengan penjelasan Bang Mamat. "Maksud Ane, Ente kudu nyari 'klayen' sendiri. Jangan ngikutin 'klayen' nye Ane" lanjutnya.
"Wahh... makanye kite tambah bingung. Tambah kagak ngarti sama jalan pikiran Ente. Bahase Ente ketinggian. Mustinye Ente kasih tau dulu pegimane caranye nyari tuh 'klayen'. Dimana nyarinye. Emang 'klayen' itu apaan?" tambah Rokib yang dari tadi bengong tidak mengerti omongan Bang Mamat.
"Oh gitu... Ente musti kenal dulu sama 'klayen' yang ane maksud. Hmm... 'klayen' itu... Kalo yang Ane tau dari koran nih... 'klayen' ituuu... adalah BAHASA INGGRIS !!" jawab Bang Mamat dengan gagahnya.
"Ooohhh... 'klayen' itu Bahasa Inggrisss...!!!" sambut Udin senang.
"Pantes aje kite kagak ngarti" sahut Rojali dengan tampang berbunga-bunga sangat bangga memiliki teman yang mengerti Bahasa Inggris.
"Ente hebat banget Mat ! ngerti yang begituan" kata Rojali.
"Makanye, ente kayak Ane. Kalo bini beli sayuran dibungkus sama koran. Korannye ente jangan langsung buang ! Ente baca-baca dulu. Makanye ane kenal tuh sama Si 'klayen', kenal sama Bang Reynald Kasali segala" jelas Bang Mamat yang berasa semangkin bertambah pintar karena kenal sama Si 'klayen'.
(klayen --> client--> klien--> pelanggan--> sewa--> penumpang--> orang yang naik ojek--> Mpok Minah, Mpok Tini, Pak Guru, Anak sekolah, Orang kantoran)
NGARTI KAGAK !!!!
"Bagaimane 'klayen' mau nyamperin ente kalo badan bau terasi begitu!" lanjutnya. "Nah... Apaan tuh 'klayen' Bang?" kata Udin, seorang ojekkers yang paling muda. Sementara teman-teman sesama ojekkers yang lain cuma manggut-manggut kagum. "Yaah... Ente Diiin, 'klayen' aja masih kagak ngarti. Ente masih ijo, masih bau kencur! Pokoknye Ente dengerin aja Abang lu ngomong ! Ente ikutin !!!" katanya sambil ngucek-ngucek rambutnya Udin. "Iye sih Bang, tapi kate Ustadz Ali waktu pengajian kemaren, kite kan kagak boleh taklid " jawab Udin. "Diin...Diin... Itu mah kejauhan. Pake segala taklid ente ajak-ajak. Ini masalah marketing, masalah ojek. Kagak ikutan tuh taklid " kata Bang Mamat.
"Iye Bang. Aye ikutin dah 'klayen'nye Abang!" sahut Udin girang.
"Lahhh!!! Kagak bisa begitu !!!" Bang Mamat sewot.
"Ente-ente pade kagak boleh ngikutin 'klayen' Ane !" lanjutnya tambah sewot.
"Mat, ente gimana sih? Tadi ente bilang, kite orang disuruh biar wangi biar 'klayen' pada dateng. Pas Udin ngomong mau ngikutin 'klayen' ente. Ente kagak kasih! Gimana urusannye sih?!" celetuk Rojali kebingungan.
"Jalihh... Jalihh... Kayaknye ente-ente pade, kudu kursus dulu nih sama Bang Reynald Kasali" jelas Bang Mamat yang berasa tambah paling pinter.
Sementara ojekkers yang lain semangkin tambah nyangsrak dengan penjelasan Bang Mamat. "Maksud Ane, Ente kudu nyari 'klayen' sendiri. Jangan ngikutin 'klayen' nye Ane" lanjutnya.
"Wahh... makanye kite tambah bingung. Tambah kagak ngarti sama jalan pikiran Ente. Bahase Ente ketinggian. Mustinye Ente kasih tau dulu pegimane caranye nyari tuh 'klayen'. Dimana nyarinye. Emang 'klayen' itu apaan?" tambah Rokib yang dari tadi bengong tidak mengerti omongan Bang Mamat.
"Oh gitu... Ente musti kenal dulu sama 'klayen' yang ane maksud. Hmm... 'klayen' itu... Kalo yang Ane tau dari koran nih... 'klayen' ituuu... adalah BAHASA INGGRIS !!" jawab Bang Mamat dengan gagahnya.
"Ooohhh... 'klayen' itu Bahasa Inggrisss...!!!" sambut Udin senang.
"Pantes aje kite kagak ngarti" sahut Rojali dengan tampang berbunga-bunga sangat bangga memiliki teman yang mengerti Bahasa Inggris.
"Ente hebat banget Mat ! ngerti yang begituan" kata Rojali.
"Makanye, ente kayak Ane. Kalo bini beli sayuran dibungkus sama koran. Korannye ente jangan langsung buang ! Ente baca-baca dulu. Makanye ane kenal tuh sama Si 'klayen', kenal sama Bang Reynald Kasali segala" jelas Bang Mamat yang berasa semangkin bertambah pintar karena kenal sama Si 'klayen'.
(klayen --> client--> klien--> pelanggan--> sewa--> penumpang--> orang yang naik ojek--> Mpok Minah, Mpok Tini, Pak Guru, Anak sekolah, Orang kantoran)
NGARTI KAGAK !!!!
No comments:
Post a Comment