Suatu hari Bang Mamat lagi muter otak mikirin bagaimana cara yang pas ngomongin niatnya mau kawin lagi. Ketika bininya, Mpok Saodah, lagi nyapu, Bang Mamat memulai aksinya.
"Dah... Tadi pagi abang denger pengajian di radio" pancing Bang Mamat sambil menikmati kopi dan rokok kreteknya.
"Lah, tumben abang dengerin pengajian !??" sahut Mpok Rodiah heran sambil tetap asyik menyapu.
"Kagak tau tuh, abang kebetulan aje denger pengajian tadi pagi" lanjut Bang Mamat sedikit grogi. Memang iya juga sih pikirnya. Soalnya Bang Mamat biasa dengerin lagu dangdut di radio transistor dua bandnya.
"Pengajian apaan bang?" tanya Si Mpok yang masih memegang sapunya sambil mendekati suaminya.
"Ntu... soal perempuan..., Kate ustadnye, perempuan nyang ridho suaminya kawin lagi, ganjarannya kagak tanggung-tanggung, SORGA !!!" jelas Bang Mamat yang sebisa-bisa gayanya ingin membujuk istrinya.
Mpok Saodah ngedenger suaminya ngomong begitu udah mulain kelihatan mangkelnya. Tapi masih bisa ditahan sambil menggigit bibir bawahnya.
"Hmmm... Begitu ya Bang ???" sahut Mpok Saodah pura-pura belom ngarti.
"Lahh... Iya Dah ! Malahan tuh ustad bilang gini. Kalo ente mau masuk Islam, jangan setengah-setengah!" kata Bang Mamat mulai seneng denger jawaban istrinya yang polos. "Maksud Abang pegimane???" nyahut Mpok Saodah tambah bingung. Bang Mamat yang denger istrinya kebingungan denger ucapannya tambah merasa naik daun. "Ini die nyang ane tunggu-tunggu" pikir Bang Mamat sambil mesem sendiri-diri.
"Maksudnye, kalo kite ngaku orang Islam, kite mesti menerima seluruh hukum ALLAH! Jangan setengah-setengah!" kata Bang Mamat mulai ngejelasin istrinya. Gayanya mirip Uje lagi ceramah di TV.
"Waduhh??? Maksudnye ape??? Aye kagak ngarti !" bales Mpok Saodah tambah bingung.
"Maksudnye begini Dah, kalo kite ngaku Islam, kite kan kudu ngejalanin hukum Islam. Kite, Sholat, puase, jekat (ucapan orang Betawi untuk Zakat) , haji, dan beramal soleh. Nah, salah satu hukum Alloh yang orang perempuan kagak terima adalah poligami. Sama nyang satu ini biasanye orang perempuan pade gerah. Jangankan ngejalanin, ngebayanginnye aje udah pade keringet dingin" Bang Mamat mulai ngejelasin kayak ustad beneran. Sementara Mpok Saodah yang mulain berasa ada yang kagak beres mulai ngedeketin suaminya sambil nenteng sapu. Kayaknya sudah kagak nafsu lagi beberes rumah.
"Nah, ape lagi tuh ?" kata Mpok Saodah mulai kesel.
"Begini Dah, kalo elu ngaku orang Islam. Lu juga kudu menerime tuh masalah poligami. Nah, kalo Abang mau kawin lagi, lu kudu terima dan ridho" Bang Mamat mulain ngomongin maksudnya. Mpok Saodah masih menahan diri biar kagak kelihatan marahnya.
"Ooh... Maksudnye Abang mau kawin lagi ? Aye sih kagak ape-ape, Aye ridho kalo Abang mau kawin lagi. Aye terime kalo dimadu" kata Mpok Saodah dengan tenangnya. Kontan aja Bang Mamat kegirangan. Dia nyengir-nyengir sendiri mirip kuda.
"Saodah, Abang kagak nyangka ati lu gede banget. Lu emang istri solehah kata Bang Haji Rhoma. Lu ahli sorga Dah !" Bang Mamat jadi terharu mendengar jawaban istrinya seperti itu. Dia langsung nyamperin tuh istrinya mau nyosor pipinya saking girangnya. Namun...
"Eeiitt ... Nanti dulu Bang ! Jangan maen sosor aje kayak bebek liat cacing. Aye punye syarat yang kudu Abang penuhin" cegah Mpok Saodah. Bang Mamat yang udah monyong langsung berhenti.
"Nah lu ? Ade syaratnye ??? Apaan tuh ????" tanya Bang Mamat bingung.
"Iye, ade syaratnye. Cuman 4 doang syarat dari Aye" kata Mpok Saodah tenang sambil ngeliatin lakinya yang bengong.
"Ape aje syaratnye ?" tanya Bang Mamat masih keder.
"Gampang !" jawab Mpok Saodah. "Syarat pertama, kalo Abang mau kawin lagi. Perempuan yang Abang kawinin agamanye harus lebih pinter dari Aye. Lebih solehah !" kata Mpok Saodah.
"Lebih solehah ? Iye Abang paham" jawab Bang Mamat. "Trus... Syarat keduanye ape !" tanya Bang Mamat sedikit penasaran.
"Syarat kedue, Tuh perempuan harus leih kaya dari Aye" lanjut Mpok Saodah. Bang Mamat mikir, pasti biar jatah belanjanya kagak dikurangin.
"Iye, Abang Ngarti" jawab Bang Mamat sambil ngangguk-ngangguk kayak burung pelatuk.
"Trus... Syarat ketiganye ???" tanya Bang Mamat penasaran.
"Syarat ketiga. Perempuan yang mau jadi bini Abang harus lebih cakep dari Aye" kata Mpok Saodah masih berusaha tenang. Wah, kagak ngaca apa nih Saodah. Mukanye udah kayak pantat dandang aje, pikir Bang Mamat sambil ngebayangin wajah Minah, orang kampung seberang kali, yang tiap hari naik ojeknya ke pasar.
"Iye... Iye... Abang ngarti. Abang pilih yang cakepnye lebih dari lu Dah" jawab Bang Mamat kegirangan dalam atinye.
"Nah... sekarang syarat lu yang terakhir ape ?" tanya Bang Mamat tambah penasaran.
"Syarat Aye yang terakhir gampang Bang" kata si Mpok yang sudah siap-siap sudah nyekel gagang sapunya.
"Apaan tuh !????" tanya Bang Mamat lagi semakin penasaran.
"Syarat terakhiiirr.... LANGKAHIN DULU MAYAT AYE... !!!!!" teriak Mpok Saodah kalap sambil mukulin tuh gagang sapu ke kepala Bang Mamat. Bang Mamat kaget bukan main melihat istrinya kalap sambil mukulin sapu ke kepalanya. Sambil tutupin kepalanya pake tangan Bang Mamat lari terbirit-birit menuju motornya di luar rumah, langsung tancap gas !.
"DASAARRR...!!! LELAKI MATA KERANJANG !!! ENAK AJE LU MAU PAKE KAWIN LAGI... BINI ATU AJE KAGAK LU URUSIN... PAKE BAWA-BAWA AGAMA SEGALA. MAMPUSS AJE LUUU... !!!" teriak Mpok Saodah kesetanan sambil nguber-nguber Bang Mamat yang ngacir dengan motornya.
"Dah... Tadi pagi abang denger pengajian di radio" pancing Bang Mamat sambil menikmati kopi dan rokok kreteknya.
"Lah, tumben abang dengerin pengajian !??" sahut Mpok Rodiah heran sambil tetap asyik menyapu.
"Kagak tau tuh, abang kebetulan aje denger pengajian tadi pagi" lanjut Bang Mamat sedikit grogi. Memang iya juga sih pikirnya. Soalnya Bang Mamat biasa dengerin lagu dangdut di radio transistor dua bandnya.
"Pengajian apaan bang?" tanya Si Mpok yang masih memegang sapunya sambil mendekati suaminya.
"Ntu... soal perempuan..., Kate ustadnye, perempuan nyang ridho suaminya kawin lagi, ganjarannya kagak tanggung-tanggung, SORGA !!!" jelas Bang Mamat yang sebisa-bisa gayanya ingin membujuk istrinya.
Mpok Saodah ngedenger suaminya ngomong begitu udah mulain kelihatan mangkelnya. Tapi masih bisa ditahan sambil menggigit bibir bawahnya.
"Hmmm... Begitu ya Bang ???" sahut Mpok Saodah pura-pura belom ngarti.
"Lahh... Iya Dah ! Malahan tuh ustad bilang gini. Kalo ente mau masuk Islam, jangan setengah-setengah!" kata Bang Mamat mulai seneng denger jawaban istrinya yang polos. "Maksud Abang pegimane???" nyahut Mpok Saodah tambah bingung. Bang Mamat yang denger istrinya kebingungan denger ucapannya tambah merasa naik daun. "Ini die nyang ane tunggu-tunggu" pikir Bang Mamat sambil mesem sendiri-diri.
"Maksudnye, kalo kite ngaku orang Islam, kite mesti menerima seluruh hukum ALLAH! Jangan setengah-setengah!" kata Bang Mamat mulai ngejelasin istrinya. Gayanya mirip Uje lagi ceramah di TV.
"Waduhh??? Maksudnye ape??? Aye kagak ngarti !" bales Mpok Saodah tambah bingung.
"Maksudnye begini Dah, kalo kite ngaku Islam, kite kan kudu ngejalanin hukum Islam. Kite, Sholat, puase, jekat (ucapan orang Betawi untuk Zakat) , haji, dan beramal soleh. Nah, salah satu hukum Alloh yang orang perempuan kagak terima adalah poligami. Sama nyang satu ini biasanye orang perempuan pade gerah. Jangankan ngejalanin, ngebayanginnye aje udah pade keringet dingin" Bang Mamat mulai ngejelasin kayak ustad beneran. Sementara Mpok Saodah yang mulain berasa ada yang kagak beres mulai ngedeketin suaminya sambil nenteng sapu. Kayaknya sudah kagak nafsu lagi beberes rumah.
"Nah, ape lagi tuh ?" kata Mpok Saodah mulai kesel.
"Begini Dah, kalo elu ngaku orang Islam. Lu juga kudu menerime tuh masalah poligami. Nah, kalo Abang mau kawin lagi, lu kudu terima dan ridho" Bang Mamat mulain ngomongin maksudnya. Mpok Saodah masih menahan diri biar kagak kelihatan marahnya.
"Ooh... Maksudnye Abang mau kawin lagi ? Aye sih kagak ape-ape, Aye ridho kalo Abang mau kawin lagi. Aye terime kalo dimadu" kata Mpok Saodah dengan tenangnya. Kontan aja Bang Mamat kegirangan. Dia nyengir-nyengir sendiri mirip kuda.
"Saodah, Abang kagak nyangka ati lu gede banget. Lu emang istri solehah kata Bang Haji Rhoma. Lu ahli sorga Dah !" Bang Mamat jadi terharu mendengar jawaban istrinya seperti itu. Dia langsung nyamperin tuh istrinya mau nyosor pipinya saking girangnya. Namun...
"Eeiitt ... Nanti dulu Bang ! Jangan maen sosor aje kayak bebek liat cacing. Aye punye syarat yang kudu Abang penuhin" cegah Mpok Saodah. Bang Mamat yang udah monyong langsung berhenti.
"Nah lu ? Ade syaratnye ??? Apaan tuh ????" tanya Bang Mamat bingung.
"Iye, ade syaratnye. Cuman 4 doang syarat dari Aye" kata Mpok Saodah tenang sambil ngeliatin lakinya yang bengong.
"Ape aje syaratnye ?" tanya Bang Mamat masih keder.
"Gampang !" jawab Mpok Saodah. "Syarat pertama, kalo Abang mau kawin lagi. Perempuan yang Abang kawinin agamanye harus lebih pinter dari Aye. Lebih solehah !" kata Mpok Saodah.
"Lebih solehah ? Iye Abang paham" jawab Bang Mamat. "Trus... Syarat keduanye ape !" tanya Bang Mamat sedikit penasaran.
"Syarat kedue, Tuh perempuan harus leih kaya dari Aye" lanjut Mpok Saodah. Bang Mamat mikir, pasti biar jatah belanjanya kagak dikurangin.
"Iye, Abang Ngarti" jawab Bang Mamat sambil ngangguk-ngangguk kayak burung pelatuk.
"Trus... Syarat ketiganye ???" tanya Bang Mamat penasaran.
"Syarat ketiga. Perempuan yang mau jadi bini Abang harus lebih cakep dari Aye" kata Mpok Saodah masih berusaha tenang. Wah, kagak ngaca apa nih Saodah. Mukanye udah kayak pantat dandang aje, pikir Bang Mamat sambil ngebayangin wajah Minah, orang kampung seberang kali, yang tiap hari naik ojeknya ke pasar.
"Iye... Iye... Abang ngarti. Abang pilih yang cakepnye lebih dari lu Dah" jawab Bang Mamat kegirangan dalam atinye.
"Nah... sekarang syarat lu yang terakhir ape ?" tanya Bang Mamat tambah penasaran.
"Syarat Aye yang terakhir gampang Bang" kata si Mpok yang sudah siap-siap sudah nyekel gagang sapunya.
"Apaan tuh !????" tanya Bang Mamat lagi semakin penasaran.
"Syarat terakhiiirr.... LANGKAHIN DULU MAYAT AYE... !!!!!" teriak Mpok Saodah kalap sambil mukulin tuh gagang sapu ke kepala Bang Mamat. Bang Mamat kaget bukan main melihat istrinya kalap sambil mukulin sapu ke kepalanya. Sambil tutupin kepalanya pake tangan Bang Mamat lari terbirit-birit menuju motornya di luar rumah, langsung tancap gas !.
"DASAARRR...!!! LELAKI MATA KERANJANG !!! ENAK AJE LU MAU PAKE KAWIN LAGI... BINI ATU AJE KAGAK LU URUSIN... PAKE BAWA-BAWA AGAMA SEGALA. MAMPUSS AJE LUUU... !!!" teriak Mpok Saodah kesetanan sambil nguber-nguber Bang Mamat yang ngacir dengan motornya.
No comments:
Post a Comment