Wednesday, September 1, 2010

Ngaduk Dodol

Ane mau cerite nih...

Dulu waktu pengen deket-deket lebaran kayak gini, orang Betawi biasanye pade ribut-ribut mao pade patungan bikin dodol. Mpok Mine kagak mau ketinggalan ikutan arisan dodol bareng tetangga. Pade suatu ari, Mpok Mine lagi nyapu pelataran rumah, kebetulan liwat Bang Jali tetangganye dan masih satu famili jauh dengan lakinye si Mpok Mine.

Bang Jali : “Waduh Mpok rajin amat pagi-pagi udah nyapu ?”

Mpok Mine : “Eh Bang Jali, Iye nih Bang biase. Biar sedep kalo diliatnye. Kagak bala’”

Bang Jali : “Si Abang kemane ? Ude berangkat dines ?”

Mpok Mine: “Iye Bang, maklum dah. Namanye juga orang kuli”

Bang Jali : “Iye juga, mendingan Abang Lu daripade Bang Jali nyak kagak ketauan juntrungannye begini.”

Mpok Mine: “ Lah, kalo’ Bang Jali mah, kagak use kerja juga kagak kenape-nape. Orang punya puun duit”

Bang Jali : “Bise aje si Mpok”

Mpok Mine: “Gimane nih Bang, lebaran jadi kagak ?”

Bang Jali : “Yahh… Kagak liwat kampung kite kali Mpok ?”

Mpok Mine : “Emangnye Abang kagak ngaduk dodol ape ?”

Bang Jali : “Yaahh.. Abang kagak ngarti dah ama Mpok lu Saodah”

Mpok Mine : “Emangnye Mpok Saodah kenape ?”

Bang Jali : “Iye, Mpok lu disuruh ngaduk dodol kayak orang-orang, kagak mao… coba ituh!”

Mpopk Mine : “Lahh… kenape pake kagak mao sih ???”

Bang Jali : “Itu die. Padahal Mah… kelapa kagak pake beli, gula kagak pake beli, beras kagak beli. Lahh… pake nggak mao ngaduk…”

Mpok Mine : “Wahh… Aye heran sama Mpok Saodah. Padahal semua bahan-bahan udah ade ya Bang …”

Bang Jali : “Itu dienye Mpok ! Makennye Saodah kagak mao ngaduk dodol”

Mpok Mine : “Maksutnye bang Jali ???”

Bang Jali : “Yaahhh… emang semuanye belom pade beli….”

Mpok Mine : “Udah ade gituhh…”

Bang Jali : “Yahh… si Mpok. Gimane mao ade sih… Orang aye kagak pake Beli !!!”

Mpok Mine : “@$@%^$%@$%$@”

1 comment:

Anonymous said...

Amiable post and this post helped me alot in my college assignement. Say thank you you on your information.

There was an error in this gadget